Burmese versions: 1.Introduction 2.Crime Prevention 3.Urban Policing 4.Countering Narcotics 5.Crowd Safety "ဝေးလံခေါင်သီသော ကျေးလက်ဒေသရှိလူများမှ မြို့ပြပတ်ဝန်းကျင်များသို့ ပြောင်းရွှေ့လာပြီး၊ ၎င်းဖြစ်စဉ်ကြောင့် ဖြစ်ပေါ်လာသော အဆိုပါပတ်ဝန်းကျင်တစ်ဝိုက်ရှိ ပြောင်းလဲမှုများကို မြို့ပြဖြစ်ထွန်းလာခြင်း (Urbanization) ဟုခေါ်သည်။ နိုင်ငံရေးပြုပြင်ပြောင်းလဲမှု များနှင့် လျင်မြန်သော မြို့ပြဖြစ်ထွန်းလာခြင်းများသည် မြန်မာနိုင်ငံကို ပမာဏကြီးမားစွာ အသွင်ပြောင်းလဲစေသောကြောင့် နိုင်ငံ၏တိုးတက်လာသော မြို့ပြ လူဦးရေနှင့် ၎င်းတို့၏ လုံခြုံရေးနှင့် လုံခြုံရေးအသိကို အဆင့်မြှင့်ရန်၊ အစိုးရရုံးဌာနများ အချင်းချင်းကြားနှင့် အစိုးရနှင့် လူထုကြားတွင် လက်တွေ့ပူးပေါင်းလုပ်ဆောင်ရန် အခွင့်အရေးသစ်များ ပေါ်ထွက်လာပြီဖြစ်သည်။ ထိုသို့သော ပူးပေါင်းလုပ်ဆောင်မှုများကို အသိပေးရန် ပြုလုပ်ရာတွင် ဤမူဝါဒ စာတမ်းငယ်မှ မြို့ပြလုံခြုံရေးအယူအဆသဘောထားကို ရှင်းပြပေးပြီး မြန်မာနိုင်ငံရှိ မြို့များအတွင်းတွင် မြို့ပြလုံခြုံရေးသည် မည်သို့အဓိပ္ပာယ်သက်ရောက်သည်ကို ဥပမာများဖော်ပြပေးကာ၊ မြို့ပြလုံခြုံရေး ရရှိနိုင်ရန်တာဝန်ရှိသည့် အဓိက အစိုးရဌာနများကို ဖော်ထုတ်ပြထားသည်။ ဤစာတမ်းတွင် မြို့ပြလုံခြုံရေးကို အဆင့်မြှင့်တင်ရာတွင် နိုင်ငံတကာအတွေ့အကြုံများကို စုစည်းတင်ပြထားပြီး မြန်မာအစိုးရတာဝန်ရှိသူများမှ လုပ်ဆောင်နိုင်မည့် မူဝါဒအခွင့်အလမ်းများကိုလည်း ဖော်ပြထားသည်။"